Bodil Maroni Jensen utnevnt til æresmedlem i NKF

Gyrid Nordal Kaldestad, avtroppende nestleder i NKF, leste styrets begrunnelse ved utnevnelsen:

Bodil Maroni Jensen er musikkjournalist. Ho har ein lang karriere bak seg som radiojournalist i musikkredaksjonen i NRK, med samtidsmusikk som spesialområde. I 2015 slutta ho i NRK og har sidan halde fast som frilansar, no først og fremst som skrivande journalist. I 2017 oppretta ho sine eigen nettstad, musikkjournalistikk.no.

­I 2024 ga ho ut boka Stemmer i samtidsmusikken – samtaler med norske komponister, der ho snakkar med ti komponistar som viser breidda i samtidsmusikken, både i alder og uttrykk.

«Ei skattekiste av musikkformidling» for alle som ønskjer å forstå moderne kunstmusik, skriv Anders Olai Neerland Kruse i si anmelding av boka i KlassiskMusikk.com: Jensens respekt, kjærleik til feltet og formidlingsevne gjer boka til både ein ressurs for musikkinteresserte og eit varmt portrettgalleri av norske samtidskomponistar som ofte får lite plass i offentlegheita.

Boka blir omtalt som ei opnande og innsiktsfull reise inn i norsk samtidsmusikk, av Kjetil Vikene i Ballade. Han meiner boka gir eit rikt og mangfaldig bilete av samtidskomponisten, og viser korleis desse balanserer mellom tradisjon og nyskaping, samt korleis dei jobbar for å bli høyrde og anerkjende.

Nokre år før, i 2020 kom boka Den nysgjerrige lytter – samtaler med Synne Skouen. Denne boka gir innsikt i kva haldningar og kva kunstsyn som har vore drivkrafta i Skouen sitt engasjement. “Et kamprop for norsk musikkoffentlighet” skreiv Maren Ørstavik i si anmelding av boka i Aftenposten; “Med sin sammenfletting av nye og gamle tekster, Facebook-innlegg, e-poster og samtaler mellom forfatter og komponist, blir Den nysgjerrige lytter spennende og noen ganger skremmende lesning.”

Maroni Jensen er ei viktig stemme i samtida, og har gjort eit stort og viktig arbeid for å løfte fram levande komponistar, både norske og internasjonale. Ho skaper samanhengar og bidrar til opplysning og forståing på tvers av landegrenser. Dette gjer at fleire kan forstå likskapar og skilnader mellom ulike musikktradisjonar, og det styrkjer interessa og kunnskapen om samtidsmusikk – både nasjonalt og globalt.

Ho mottok i 2021 Norsk Komponistforening sin likestillingspris, og grunngjevinga frå den gong viser òg at det å ta henne opp som æresmedlem i Norsk Komponistforening er heilt rett:

Gjennom hele denne virksomheten representerer hun et sjeldent, men viktig mellomledd i formidlingen av en smal og ofte underkommunisert kunstform – ikke minst i vårt eget land – og hun gjør det på en faglig grundig, interessant og seriøs måte. Det er tydelig at årene i NRK har gjort henne sterkt bevisst om et bredere publikum som målgruppe, og hun er et godt eksempel på at tydelig og enkel formidling ikke trenger å bety forflatning av innhold. Snarere er den faglige kompetansen og lyttetreningen hennes en viktig forutsetning for å stille klare og relevante spørsmål.

I lys av det som har vore i media det siste året, med forslag om samanslåing av kategoriane klassisk og samtid i Spellemannsprisen, meiner me at det er viktigare enn nokon gong å ha menneske kring oss som bidreg med engasjement, kunnskap og geniun interesse for dei smalare delane av musikklivet. Maroni Jensen viser at den faglege samtalen er høgst levande, og at det å samtale med komponistar kan vere med å opne musikken deira for eit større publikum. Det er ikkje berre i vår del av samfunnet at det fagleg solide skapar interesse og engasjement.

Gjennom sitt arbeid set ho norsk samtidsmusikk inn i ein større samanheng og gir publikum innsikt i korleis musikalske idear og uttrykk utviklar seg på tvers av sjangre og landegrenser. Ved å løfte fram både norske og utanlandske komponistar, bidreg ho til å opplyse og engasjere eit breiare publikum, og viser korleis norsk musikk er ein del av ein internasjonal samtale.

Tusen takk for arbeidet ditt, Bodil, og velkomen som æresmedlem hjå oss.